دعوة للجميع لتوحيد صفوفنا لاختيار رئيس مدني حتي لا تتفتت اصواتنا رجاء الدخول للاهمية

دعوة للجميع لتوحيد صفوفنا لاختيار رئيس مدني حتي لا تتفتت اصواتنا رجاء الدخول للاهمية

يجماعة احنا عايزين رئيس مدني كويس مش يعمل صفقات مشبوهة مع الجماعات المتطرفة
عاوزين رئيس كويس يحترم الديانات السمائية وان لا يحجب الحق في العبادة للاديان الاخري
عاوزين رئيس مش يخضع لاحد من الجماعات الاسلامية كالاخوان والسلفيين الذين يريدون الخراب لمصر
وجميع الاخوة المسلمين المحترمين رأوا بانفسهم هذا
رأوا ان الاخوان لم يأتي من وراهم الا كل شر وخراب لمصر
فلماذا اذن نسكت عما يحدث
لماذا لا نضع ايدينا في يد بعض سويا لانتخاب رئيس قوي مدني يصلح ما افسد داخل مصر
لماذا لا نتوحد وينسي كل شخص فينا ميوله الشخصية في اختياره لشخص معين بعينه
ونتوحد لاختيار شخص كويس ومحترم يطلع البلد للنور
نتوحد ونتجمع حواليه ونؤيده ونكون معاه حتي تخرج بلدنا الحبيب مصر من هذا المازق
دي بلد كل واحد فينا وكل واحد نفسه تبقي احسن بلد في الدنيا
فا ليه كل شخص بيفكر في ميوله الشخصية في اختيار الرئيس
ليه مش بنتوحد ونوحد صفوفنا جميعا مسيحين ومسلمين لاختيار رئيس محترم لا يخصع للجماعات الاسلامية كاخوان وسلفيين
نريد رئيس مدني قوي
محتاجين رئيس مدني يدعم حقوق المواطنة ولا يقوم بعمل صفقات مع التيارات المتطرفة
نريد رئيس يفكر فكر ايجابي في كيف يخرج البلد من الازمات التي بها

يجماعة ارجوكم فكروا في كلامي كويس
عايزين نتوحد لاختيار رئيس واحد منتخب
دي دعوة عامة وارجو نقلها لجميع المنتديات
حتي لا تتفتت اصواتنا
وربنا يفعل الخير لمصر

انا شايفه ان حمدين صباحى انسان كويس وصاحب مواقف كتير وهيحافظ على حقنا كأقباااااط فى مصر ايه رأيكوا يا جماااااااااعه ؟
ياريت اللى عنده رأى بقوووووووول

عضوجديد

الأخت يوستينا كلامها حق. حمدين صباحى من مشعلى الثورة ولا توجد علية أى نقيصة مثل الآخرين . ويؤمن بالدولة المدنية والحربة والمساوا ة بين الجميع دون تفرقة. برجاء من الجميع ترك العاطفةفة جانبا وأحكام العقل .

عضوجديد

بعد خروج عمر سليمان من سباق الرئاسه
كل المسيحيين و العلمانيين بتؤيد الفريق احمد شفيق رئيسا لمصر

لا داعى لتفتيت الاصوات بين مرشح و اخر و خلونا ننتخب الفريق احمد شفيق عشان
لو اتفرقت الاصوات فدا مش فى مصلحه التيار العلمانى و الليبرالى لان تفتيت الاصوات يعمل على
ضعف كافه المرشحين و بالتالى تكون الغلبه لمرشح من تيار متشدد

فانا مستغرب انا اجد ان هناك ناس مش عارفه الى الان ان احمد شفيق هو المرشح الذى ايده جميع الاقباط و العلمانين

و هلى فكره الفريق احمد شفيق هو اللى خلى حسنى مبارك يتنحى عن الحكم و المعلومة دى
قالها عمر سليمان فى احد خطباته ان صاحب فكره التنحى هو احمد شفيق

علاوه هو دا فعلا الرجل الحق و يكفيه ان طور و اعاد هيكله مؤسسه الطيران وحعلها مؤسسه
تحترم من الخارج قبل الداخل و منع الفساد اللى فيها
و
مصر هى عباره عن مجموعه مؤسسات فلو مسك سيحول مؤسسات مصر الى الافضل
و يزيد النمو الاقتصادى و ينعدم الفساد داخليا

عضوجديد

بالنسبه لحمدين صباحى ذكر فى وسائل الاعلام انه عمل صفقه مع الاخوان - وارى ان من سيعمل لمصلحة الشعب المصرى والمسيحيين خصوصا ابو العز الحريرى واخيرا ارجو ان نرفع تضرعاتنا لرب المجد لكى يولى من يصلح

يجماااااااااااااااااااااااااااااااااااااااااااااااااااااااااااااعة
انا ربنا هداني لفكرة حلوووووووووووة هتريحنا من التشتيت اللي احنا فيه

دلوقتي يجماعة الذكاء بيقول ايه
اننا نشوف مين الاعلي في نسبة التصويت حتي الان من الناس المعتدلين
هتلاقوا حمدين صباحي يعتبر نسبته قوية جداااااااااااااا في التصويت
وانا بصراحة مقتنع بالراجل ده
وكفاية تشتتيت علشان الجماعات الاسلامية من الاخوان وسلفيين فرحانين ان المجتمع متشتت وهيستغلوا ده في فوز مرشحهم
فا لازززززززم يجماعة نتحدددددد لانصاف مرشح واحد هو اللي هنعطيه كل اصواتنا مسيحين ومسلمين
ليكسب المعركة ويفوز علي الاخوان
ياريت يجماعة رسالتي توصل للجميع

للتوعيه قفط مش للهجوم ابدا
لو هتنتخب حد علشان هو اللي هيجيب السلام للكنيسه تبقي غلطان الوحيد اللي
يجيب السلام للكنيسه هو ملك السلام مش اي حد
اولا احمد شفيق :للاعاده ليس للهجوم انما لتتعرف علي من تؤيد
الي كل فبطي هينتخب احمد شفيق
1- احمد شفيق رفض تعيين جورجت قليني كوزيره ايام الثوره ممثله الاقباط بعد ابداء القوي الاسلاميه اعتراضها
2- خلال وزارة احمد شفيق اللى ماستمرتش اكتر اعترض احمد شفيق علي الاراضي
التي تعدي عليها الدير من وجه نظره مما اسفر علي هجوم القوات المسلحه
علي الدير في حين ان التعدي علي الاراضي كان شيء منتشر
4- عبد الرحيم الغول المتهم الحقيقي في مذبجة نجع حمادي و الداعم الاكبر لحمام الكموني من كبار داعمي و مؤيدي شفيق.

فيديو هؤلاء يؤيدوا حمدين صباحي

عضو ذهــــبي

أنا شايف أن أنسب مرشح هو أحمد شفيق دعوة للجميع لتوحيد صفوفنا لاختيار رئيس مدني حتي لا تتفتت اصواتنا رجاء الدخول للاهمية 355935

adel kedis كتب:: أنا شايف أن أنسب مرشح هو أحمد شفيق

رسالة لكل المسيحيين اللى بيفكروا ينتخبوا شفيق

دعوة للجميع لتوحيد صفوفنا لاختيار رئيس مدني حتي لا تتفتت اصواتنا رجاء الدخول للاهمية 547262_455473051134381_294157177265970_85337141_576547624_n

دعوة للجميع لتوحيد صفوفنا لاختيار رئيس مدني حتي لا تتفتت اصواتنا رجاء الدخول للاهمية 547262_455473051134381_294157177265970_85337141_576547624_n

1- احمد شفيق لما مسك الوزارة وجاب يحيى الجمل اقترح عليه يحيى الجمل اختيار جورجيت قلينى كوزيرة علشان تمثل الأقباط وفعلا وافق واتصلوا بيها وجت عشان تحلف اليمين لكن لما التيارات الأسلامية عرفت كلموا شفيق وعبروا عن رفضهم ان واحدة زى جورجيت كانت بتدافع عن حقوق المسيحيين تبقى فى الوزارة وفعلا اقتنع شفيق واعتذروا لجورجيت وهى فى مقر المجلس مستنية تحلف اليمين .
2- خلال وزارة احمد شفيق اللى ماستمرتش اكتر من شهر واثناء الثورة حصلت تعديات كبرى على الأراضى لكن كل ده تم تناسيه ماعدا مكان واحد بس وهو سور بنوه رهبان دير الأنبا بيشوى لحماية الدير من الأنفلات الأمنى هجمت قوات الجيش على الدير لأزالة تعديات على ارض فى الصحراء متجاهلة كل التعديات على الأراضى الزراعية وغيرها اللى بتمثل ثروة للبلد تم الهجوم بكل قسوة ولما حصل اعتراض من الرهبان الموجودين بالدير تعاملت القوات بالقوة التى اسفرت عن استشهاد شخص واصابة آخرين وطبعا اصدر المجلس العسكرى بيانا يدين فيه الضحايا ويبرأ نفسه ... وسيادة الفريق ولا هو هنا لأنه طبعا كان مؤيد لكل ده سيادة الفريق اللى ساب اراضى مصر كلها وهجم بس على سور لحماية الدير.
3- شفيق حتى الآن بيأيد المجلس العسكرى فى احداث ماسبيرو اللى استشهد فيها حوالى 27 قبطى بنيران قوات الجيش وقال ان كل الفيديوهات ملفقة وان المجلس العسكرى مش مسئول والمتظاهرين غلطانين احمد شفيق كان عضوا فى حكومة مبارك اثناء احداث كبرى من الفتنة الطائفية زى نجع حمادى والعمرانية وآخرهم كنيسة القديسين اللى حكومة مبارك كانت مرتباها سيادة الفريق من الحكوميين القلائل فى الوقت ده الذين لم يتقدموا بواجب العزاء والغريبة انه ما بقاش يروح يعزى فى شهداء الأقباط ولا يحضر قداسات عيد غير بعد مارشح نفسه.
4- عبد الرحيم الغول المتهم الحقيقي في مذبجة نجع حمادي و الداعم الاكبر لحمام الكموني من كبار داعمي و مؤيدي شفيق.

وبعدين يا عادل المثل بيقولك اللي يراهن يراهن علي الحصان الكسبان
احمد شفيق صدقني مش هيكسب لان ناس كتير مش قبلاه
لكن فعلا اللي نسبة مكسبه كبيرة ولو الناس ايدته هيكتسح ابو الفتوح
هو حمدين صباحي
وربنا يفعل الصالح
بيني وبينك انا لو بي ايدي كان نفسي احمد زويل او البرادعي هما اللي يمسكوا الرئاسة
لان بمخهم الكبير كانوا هينقلوا البلد دي للاحسن
لكن للاسف انت مطالب تختار واحد
وزويل والبرادعي مش من ضمن الاختيارات

والعقل بيقولك
لو حبيت تختار اختار اللي اقل عيوب
و حمدين صباحي يعتبر هو الكويس

ياتري انت عايز ترمي صوتك في الارض ؟؟؟؟؟؟؟؟؟؟؟
ولا عايز تحط صوتك صح في مكان يغير نتيجة
ياريت الكل يفكر في كلامي ده
مترميش صوتك
حط صوتك في المكان اللي هيفرق فيه صوتك
لو ناس اختارت عمرو موسي وناس شفيق
صدقوني اصواتكم هتتفتت وفي الاخر ولا واحد منهم هيفوز صدقووووووني
لان اللي هيكسب لازم اصوات المصرريين المعتدليين كلها مسيحين ومسلمين تتوحد فيه علشان تكتسح اصوات الجماعات الاسلامية
ياريت فعلا الناس تفكر بالعقل ده

ورفضوا المرشحين الإسلاميين..

جبرائيل: شفيق 70% وموسى 16% وحمدين 13% فى استطلاع رأى الأقباط

السبت، 19 مايو 2012 - 17:49
نجيب جبرائيل رئيس الاتحاد المصرى لحقوق الإنسان
كتب نادر شكرى

أظهر استطلاع الرأى الذى أجراه عدد من النشطاء والمنظمات القبطية حول اختيار الأقباط لمرشحهم الرئاسى تفوق الفريق أحمد شفيق بنسبة 70% ومن بعده عمرو موسى 16%، وحمدين صباحى 13 % ورفض عدد من الأقباط المشاركين فى الاستطلاع بعدد من المحافظات اختيار أى من مرشحى الإسلام السياسى، والتأكيد على اختيارهم لمن يعزز الدولة المدنية ودولة القانون والمواطنة.

وقال نجيب جبرائيل، رئيس الاتحاد المصرى لحقوق الإنسان المشرف على الاستطلاع فى مؤتمر عقده اليوم بأحد فنادق مصر الجديدة، إن الاستطلاع أقيم على عينات كبيرة من الأقباط فى مختلف المحافظات، وتم تطبيقه وفقا لمعايير وضعت لاختيار المرشح بعد دراسة برامج جميع المرشحين، وأبدى الجميع رفضهم لتحويل مصر لدولة دينية ومن ثم رفضوا مرشحى الإسلام السياسى.

وأضاف جبرائيل، شمل الاستطلاع وضع معايير لاختيار الرئيس منها، أن يؤمن بالدولة المدينة، ولا يغلب الانتماء الدينى على الوطن، ويكون قادرا على بناء الدولة الحديثة، وقادرا على استيعاب كل المصريين دون تمييز، كما رفض المشاركون وصف بعض المرشحين بالفلول طالما لم تتم إدانتهم، ويكفى أن المرشحين الإسلاميين هم من جماعة محظورة تسببوا فى أثار سلبية للبلاد عقب الثورة، فضلا عن الأداء الضعيف لهم فى البرلمان والبحث عن مصالحهم دون النظر للمصالح الوطنية.

وأشار جبرائيل أن الاستطلاع قامت به مجموعات عمل ميدانية كبيرة وأسفر عن اختيار نسبة كبيرة من الأقباط التصويت لصالح الفريق أحمد شفيق بنسبة 70.1 % وعمرو موسى بنسبة 16% وحمدين صياحى بنسبة 13.1% ، مؤكدا أن الأقباط يريدون رئيسا مدنيا يؤمن بدولة المواطنة والقانون ويعيد حق الشعب فى المساواة، ولا يفضل المسلم الماليزى عن المسيحى المصرى، ويكرس العدالة وحقوق الإنسان ولا يصبغ الدستور بأى فكر، هذا ما يريدوه المصريون فهم لا يريدون رئيسا يقبل يد المرشد ويحكم مصر بأمر السمع والطاعة من خلال المرشد، يريدون رئيسا حرا يعبر عن الثورة ويحقق أهدافها ولا يقول "طظ فى مصر".

بجد الواحد بقي محتار بين حمدين صباحي واحمد شفيق

بس كدة بناء علي الخبر ده نختار احمد شفيق
ربنا يفعل الصالح لمصر بجد نفسنا ربنا يظهر ارادته
لانه عارف ان الشعب وحده مش كفاية علشان يعرف الصالح
ربنا يظهر الصالح

عضوجديد

للاسف اغلبنا يقول رايه بدون متابعه لاعمال وافعال المرشحين للرئاسه . اللى تابع جلسات مجلس الشعب يعرف مواقف ابو العز الحريرى واصرارة على دخول نائبه مسيحيه احد لجان المجلس كما ان جميع احاديثه ومواقفه ضد اسلمة الدولة -تعالوا نفكر بهدوء بعيدا عن العواطف

يا جماعه انا شاهدت حديث لحمدين صباحي بيقول فيه انه مع تنظيم القاعده في قتل وذبح الجنود الامريكان
والتعامل معهم بدون رحمه او شفقه كنت ساعطيه صوتى ولكن بعد ما شاهدت هذا الحديث صوت لصالح
احمد شفيق

mgde khlill كتب:: للاسف اغلبنا يقول رايه بدون متابعه لاعمال وافعال المرشحين للرئاسه . اللى تابع جلسات مجلس الشعب يعرف مواقف ابو العز الحريرى واصرارة على دخول نائبه مسيحيه احد لجان المجلس كما ان جميع احاديثه ومواقفه ضد اسلمة الدولة -تعالوا نفكر بهدوء بعيدا عن العواطف

يا مجدي اسمعني كويس من ضمن ال 13 ناس كتير كويسة
وانا مش بختار علي السمع وبس
انا كل واحد من المرشحين اعرف كويس حياته كانت ازي قبل وبعد الثورة
الحريري كويس لكن الناس مش في بالها الحريري
وانت لو اختارت الحريري هتكون خسرت صوتك لان هيكون فيه تشتيت ان ناس هتختاره وناس هتختار اخرين
فا بالتالي سقط صوتك واصبح لا معني له زي الصفر علي الشمال
صدقني انا لو بي ايدي ولا واحد من 13 صالحين كلهم صفر ولا ليهم في الرئاسة ولا يعرفوا يمسكوا منصب زي ده
لكن هتعمل ايه ؟؟؟؟
انت مفروض عليك 13 مرشح ومطالب انك تختار واحد
فا العقل بيقول علشان تكسب
راهن علي شخص اقل عيوب وتكون فرصه كتيرة في الربح
والناس بتفكر في 5 هما المعتدلين الكويسين
احمد شفيق - حمدين صباحي - عمرو موسي - ابو العز الحريري - هشام البسطويسي

ولما عملوا استفتاء بين الاقباط في جميع المحافظات
ونجيب جبرائيل بنفسه ظلع واظهر النتيجة واتنشرت في اليوم السابع والخبر منشور في نفس الموضوع
ان تقريبا 71 % اختاروا احمد شفيق
فا بالتالي فكر غالبية الاقباط متجهة لاحمد شفيق
فا ليه احنا نفتت صوتنا احنا نعطيله فرصة ونشوف هيعمل ايه لمصر وللاقباط
وصدقني انا مش بجرب زي ماناس كتيرواخدة الموضوع كتجربة
بس انا بفكر بالمنطق وبالعقل السليم
وزي ما ابونا مكاري يونان قال
في اخر محاضرة
اختاروا اللي قلبه علي مصر اللي يحبها ومش يفرق بين شعبها
واحمد شفيق تنتطبق عليه المواصفات دي
صدقني انا ناس كتير قابلتها وسئلتها عن اختيارهم قالولي احمد شفيق
فا بالتالي احمد شفيق ناس كتير متفقة عليه

وربنا يظهر الصالح

salwa georgy كتب:: يا جماعه انا شاهدت حديث لحمدين صباحي بيقول فيه انه مع تنظيم القاعده في قتل وذبح الجنود الامريكان
والتعامل معهم بدون رحمه او شفقه كنت ساعطيه صوتى ولكن بعد ما شاهدت هذا الحديث صوت لصالح
احمد شفيق

صدقيني انا ناس مسلمين اعرفهم لما سئلوني هترشح مين
لسة هقول علي الاسم قالولي متعطيش صوتك غير لاحمد شفيق لانه اجدر واحد يمسك البلد ويرجع التعابين جحورهم
لان الناس عارفة ان محدش هيعرف يظبط البلد دي غير احمد شفيق
واحمد شفيق قالها ان في 6 ساعات هيعيد الامن والنظام للشارع المصري
واحنا المفروض يجمااااااااااعة فكرنا
يكون في محور واحد ان ازي نتحد سويا ً حتي لا يقتنص الاخوان الفرصة وينجح مرشحهم
يااااااااااريت يجماعة نفوووووق ونعرف ان الموضوع مش لعبة
لازم نتحد علي مرشح واحد حتي يكتسح اصوات الجماعات الاسلامية التي تستعمل اساليب قذرة في كسب الاصوات
والضحك علي الناس البسيطة
ياريت يجماعة فعلااااااا نخلي قلبنا علي البلد دي
لازم هدفنا واتحدانا يكون بقلب راجل واحد
حتي نمنع الاخوان من الوصول للسلطة
ياريت يجماعة نحس بجد بالخطر ده
لازم نفوق ونتحد حول مرشح واحد
وهو احمد شفيق

عضوجديد

اريد لبلدنا رئيس يحترم الانسان ويحترم احتياجاته فى التشريعات التى تحكم المؤسسات لصالح المواطن وليس لمنعه من التقدم والبناء وليس فى اسلوبهم المعسول واري ان الذين باعوا ارض مصر للاجانب باسم الاستثمار ووضعوا القوانين التى استنزفوا بها ثروات مصر لانفسهم وحسابهم لم يؤتمنوا على رئاسه الدوله ونجاحهم ما هو الا حمايه لا نفسهم وامثالهم من غدا واستمرار للحال المايل - السيد شفيق رئيس وزراء موقعة الجمل الذي يستسمحنا فى ان ياخذ من وقت حضرات المشاهدين عشره دقائق ! ! والسيد عمرالذي نجح فى لم شمل العرب فكريا لاتوجد فيها مذاهب ارهابيه ونجح فى حل المشكله الفلسطينيه واللبنانيه واليمنيةسعوديه والبوليزاريو والصومالية وتوحيد السودان وتوحيد اثيوبيا اريتريا والسلام في العراق وليبيا وسوريا ويطمع ان تصيب نجاحاتة مصرنا الحبيبة ايضا !! اري ان الصباحى الافضل فى رئاسة مصر وواثق ان الذى يحمى الكنيسه لايغفل ولاينام ووعدنا ان ابواب الجحيم لن تقوى عليها له كل المجد الى الابد .

اخي الحبيب حمدين صباحي انا منكرش اني كنت متحمس ليه في البداية
بس لما قريت انه عمل صفقات مع الاخوان
وان بنته شغالة في قناة 25 الاخوانية
وايد القاعدة
كل ده مش يخليك تشك في الشخص ده انه ممكن يكون مريب وانه مكن يكو ن عامل قناع لكسب رضا الشعب في الوقت الحالي ولما يكسب تلاقيه اتحول لفرعون جديد

اخي الحبيب صدقني تعالي اوريك حاجة مش هتصدقها
لما تلاقي ناس متعلمين ونص متعلمين حاطين صورة احمد شفيق
ولما تسئلهم ليه اختارتوه
بتلاقيهم بيردوا عليك رد مش هتعرف تتكلم بعديه
لما تقولهم ده فلول
بيردوا عليك برضو

ويقولولك
لو ده فلول ليه مش اتحط جنب حسني مبارك في السجن
لازم الكل يعرف ان فيه قاعدة قانونية بتقول ان البينة علي من ادعي
يعني اللي يدعي علي شخص تهمة معينة يثبتها بالادلة والمستندات
ويقولولك برضو ان كلمة الفلول اخترعتها الجماعات الاسلامية علشان تجذب الناس نحوها وميبقاش غيرهم الناس تؤيدهم

ومعاك ان في الاول وفي الاخر ربنا هو اللي يختار لانه يري ما لا نراه
وربنا يظهر الصالح

عضوجديد

مفيش افضل من احمد شفيق هذة الايام بالذات لانة رجل افعال وليس كلام فاتمنى من اخوتى ان ينتخبوا احمد شفيق نصيحة من سياسى

[
ربنا موجود هو بس اللى يعرف من الصالح لقياده البلد في الظروف الصعبه دى
وهو قادر ان يمنح الشعب نعمه البصيره للاختيار

صدقوني انا واثق ثقة كاملة ان ربنا هيظهر مشيئته
وعارف اللي هيحصل
لو ربنا اراد مرشح معين
هيحطه في منافسة اعادة مع مرشح اخواني
ساعتها
هنعرف ان مصر كلها هتختار المرشح المنافس للاخوان
وهنعرف بكدة ان دي ارادة ربنا

وربنا يفعل الصالح

عضو ذهــــبي

صدقني أنت احمد شفيق فعلآ هو الحصان الكسبان وحتشوف وياريت الناس كلها تراهن عليه دعوة للجميع لتوحيد صفوفنا لاختيار رئيس مدني حتي لا تتفتت اصواتنا رجاء الدخول للاهمية 355935

adel kedis كتب:: صدقني أنت احمد شفيق فعلآ هو الحصان الكسبان وحتشوف وياريت الناس كلها تراهن عليه

مانا مقتنع باحمد شفيق يا عادل وهرشحه
بس عارف الواحد خايف من الالاعيب الاخوان
مرسي اتصدر نتائج التصويت في الخارج وابو الفتوح التاني

عدد الذين صوتوا حوالي 250 الف
يعني يعتبر نسبة لا تذكر بالنسبة لعدد مصر 51 مليون منتخب

نفسنا ربنا يتدخل