سلسلة معجزات مثلث الرحمات قداسة البابا شنودة

المعجزة الاولى

سامح جرجس زكى ..وانا كمان حصلت معايا معجزة بشفاعه البابا شنودة ( اليوم 22/3/2012 وانا فى العمل جائتنى لجنه تفتيشيه مفاجأة من الادارة وهى دائما ماتأتى فى موعد غير معروف لتكون الامور فى العمل كماهى عليه .
المهم طلبت شفاعه البابا شنودة حتى يتم التفتيش على خير . ثم بدء التفتيش على وكانت الامور تسير على مايرام إلى ان وجد 6 اشياء مفقودة من العهدة المسئول انا عنها ولأنى متأكد انه لايوجد شئ مفقود وهذا لعملى جرد مستمر بدأت ابحث من اين اتى الخطأ مرات كثيرة ولكن لاجدوى.
فطلبت شفاعه البابا شنودة ..... وبحثت مرة اخرى فوجدت ان العدد مظبوط وصحيح ولايوجد شئ ناقص وهذا ببركه البابا شنودة لم يسمح ان اتعرض لأذى فى عمل من لجنه التفتيش .
بركه صلواته وشفاعته معنا كلنا ..... آمين

++++++++

المعجزة الثانية

مش عارفه الله هقوله دا الناس ممكن تعتبره معجزة وناس ممكن تعتبره عادى بس كل اللى اعرفه انى كنت مقدمه على شركه واعدت ادرب 8 ايام وامبارح اللى بيدربنا قالنا بكره فى امتحان ومش كلكم هتتعينوا فى الشركه لان عددنا 40 وهينقى مننا حتى لو نقى واحد بس ونظرا ان انا متجوزة ومعايا بيبي وكمان مسيحيه فكان من سابع المستحيلات انى اتعين فقلت للبابا شنوده ااقف معايا بكره وخليك معايا ومن اول ما قدمت وانا موليه البابا كيرلس على الموضوع .......

االنهارده اتفاجت ان المدير بيقول انا كنت متاكد انك هتكونى هنا معاناا والغريب ان معملش لا امتحان ولا حاجه وعينونا احنا ال40

بجد انا مبسوووووووووووووووووووطه اوووووووووووووووووى وبشكر حبيبي البابا كيرلس وحبيبي البابا شنوده على وقفتهم معايا وبطلب منهم انهم يقفوا معايا على طول
بنتكم ماريانا منير
+++++++++++++
احدث معجزة للبابا شنودة النهاردا بتاريخ 24 / 3 / 2012 . . .

انا م.أ.ص , انا من الغردقة و عندى 20 سنة , و كنت زعلان اوى عشان مش هشوف قداسة البابا فى التلفزيون فى صلاة العيد زى كل سنه عشان اتعودت ع ده من وانا صغير والعيد مش يبقى عيد غير لما اشوف البابا ع التلفزيون وهو بيصلى قداس العيد وبيعمل تمثلية القيامة ببقى مبسوط اوى , المهم قولت هطلع برا فى اي سايبر او كافية انزل قداس عيد القيامة من اليوتيوب ع اللاب وليله العيد اشغل القداس واتفرج عليه كله زى ما اتعودت . ف اول امبارح طلعت لقيت مساحته كبيرة حوالى 300 ميجا وطبعا ده مع سرعة النت اللى فى الكافيه هياخد حوالى 4 ساعات ف لما لقيت كدة كنسلت التحميل قبل ما يبدأ واضايقت وروحت ,. امبارح قولت هروح مكان تانى عشان انزله ويارب يكون النت اسرع بقى , رحت ولقيت النت ابطئ رحت كنسلت عن 1% و روحت وانا زعلان , نمت و صحيت النهاردا عادى وبفتح اللاب , اتفاجئت فى مكان الداونلودز ان القداس كامل بمساحته الكاملة للبابا شنودة الثالث قداس عيد القيامة سنه 2011 اللى كنت عاوزه , وده من رابع المستحيلات ان القداس ينزل اصلاا . ده انا كنسلت التحميل من 1% وقفلت اللاب ومشيت يبقى ازاى نزل ! , شكرا يا رب وشكرا للبابا شنودة اللى مش رضى يحرمنى من انى اتفرج ع قداس العيد بتاعه زى ماتعودت . . رجاء محبة من كل البيدجات او كل اللى يقرا المعجزة انه ينشرها عنده عشان الكل يشوفها ويمجدوا اسم ربنا , شكرا واسف انى طولت عليكم . . .
++++++++++++

الشخص الغريب الذى ركب عربية البابا
*************************
معجزة جميلة اوى لقداسة البابا شنودة الثالث فى يوم من الايام وكان قداستة يذهب الى دير الانبا بيشوى فى وادى النطرون فى ساعة مرورة ومجيئة فى هذا المكان مر علية شخص واوقف سائق سيارة البابا لكى يعرف ماذا يريد هذا الشخص الغريب الذى يقف امام السيارة مع سرعتها وعندما وقف سائق السيارة ليرى ماذا بهذا الشخص فقال لة السائق ماذا تريد انت متعرفش دى عربية مين ؟ فقال لة مين ؟ فقال السائق دا قداسة البابا شنودة فقالة لة ماشى يا عم اية يعنى نشوفة وناخذ بركتة فراى قداستة واخذ بركتة وقال لة ياريت ياسيدنا توصلنى للبر او (المدينة )اللى نمشى فية علشان المسافة بين البر دة والدير كبيرة ومش هقدر امشيها فقال قداستة للسواق تعالا نوصل الرجل دة للمكان اللى هو عايزة وفى هذة اللحظات بين الدير و البر الذى يردية الراجل بدا يتكلم مع قداسة البابا فى امور كثيرة لا نعرفها ونزل هذا الشخص عندما وصل الى المكان الذى يريدة فقال قداستة للسواق يلا نرجع الدير تانى وعندما رجع السواق الى الدير مرة اخرى فقال قداستة للسواق فى الدير انا عايزك تقفل العربية دى كويس اوى وتغطيها علشان العريبة اللى يركب فيها رب المجد محدش يركب فيها تانى ؟فاستغرب السواق وقال السواق حاضر يا سيدنا !!
++++++++++

البابا شنودة يوصل السيد المسيح الى اقرب مكان معجزة جميلة جداااا
******************************

فى يوم من الايام وكان قداستة يذهب الى دير الانبا بيشوى فى وادى النطرون فى ساعة مرورة ومجيئة فى هذا المكان مر علية شخص واوقف سائق سيارة البابا لكى يعرف ماذا يريد هذا الشخص الغريب الذى يقف امام السيارة مع سرعتها وعندما وقف سائق السيارة ليرى ماذا بهذا الشخص فقال لة السائق ماذا تريد انت متعرفش دى عربية مين ؟ فقال لة مين ؟ فقال السائق دا قداسة البابا شنودة فقالة لة ماشى يا عم اية يعنى نشوفة وناخذ بركتة فراى قداستة واخذ بركتة وقال لة ياريت ياسيدنا توصلنى للبر او (المدينة )اللى نمشى فية علشان المسافة بين البر دة والدير كبيرة ومش هقدر امشيها فقال قداستة للسواق تعالا نوصل الرجل دة للمكان اللى هو عايزة وفى هذة اللحظات بين الدير و البر الذى يردية الراجل بدا يتكلم مع قداسة البابا فى امور كثيرة لا نعرفها ونزل هذا الشخص عندما وصل الى المكان الذى يريدة فقال قداستة للسواق يلا نرجع الدير تانى وعندما رجع السواق الى الدير مرة اخرى فقال قداستة للسواق فى الدير انا عايزك تقفل العربية دى كويس اوى وتغطيها علشان العريبة اللى يركب فيها رب المجد محدش يركب فيها تانى ؟فاستغرب السواق وقال السواق حاضر يا سيدنا !!
++++++++++++++
ثانى معجزه بعد الانتقال الى السماء

و تتوالي معجزات اللبابا :
بنت عندها 17 سنة كانت هتتخنق فى الزحمة ووقعت تحت رجلين الناس فى وسط الزحمة
ومرة واحدة بتحكى بتقول انها لاقيت اللبابا بيقولها قومى وبيقومها فى وسط الناس وبيقولها مكنش لازم تتعبى نفسك وتجيلى كنتى صليلى من البيش وشوفينى على التليفزيون
وانا كنت هحس بيكى وفجأة اختفى بعد ماقومها .... منقول من كلام البنت
+++++++++++
1- يحكى ان فتاه كانت ذاهبة لحضور اجتماع البابا شنودة الثالث يوم الاربعاء فى الكاتدرائية , ولكنها لم تكن تعلم مكان الكاتدرائية ... فسألت سيدة تسير فى الطريق , فأخبرتها انها هى الاخرى ذاهبة لحضور اجتماع قداسة البابا شنودة الثالث ... ولكنها اخذتها معها فى شقة بحجة احضار شىء نسيته من الشقة ... وذهبت الفتاه معها وكان بالشقة العديد من الرجال - وارادت هده السيدة بذلك اذيتها - فأستنجدت الفتاه قائلة " بقى كده يابابا شنودة - بقى يبقى فى نيتى احضر اجتماعك تقوم تسبنى كدة " .... وفجأة ظهر البابا شنودة الثالث امامها واخدها واختفوا من الشقة لتجد نفسها واقفة فى الكاتدرائية بجوار قاعة اجتماعات البابا شنودة .

++++++

2- يحكى ايضا ان فتاة اخرى كانت تقوم بخدمة افتقاد ابناء التربية الكنيسية فى منازلهم .. حين اخطأت احد العناونين واطرقت على باب شقة رجل مسلم سنى من الاخوان بالخطأ ... فما ان علم انها خادمة مسيحية جدبها من يدها بعنف الى الداخل وفوجئت ان معه عدد من اصدقائه السنيين ايضا ... فجدبها الى حجرة النوم بعنف - فأرادت ان تستنجد بأحد القديسين فأخطأت القول وقالت " يابابا شنوده الحقنى " ...فاذا بجرس الباب يدق فذهب الرجل ليفتح الباب ففوجىء بالبابا شنودة الثالث يقف امامه - وقال له " روح هات بنتى اللى عندك جوه واوعى تئذيها " ... فخاف الرجل واحضر له الفتاه وخرجا سويا " وسط ذهول كل الحاضرين ..... وما ان نزلا بضع سلالم حتى اختفى قداسة البابا شنودة - ووجدت الفتاه نفسها فى الكاتدرائية ... وكان يوم الاربعاء - يوم اجتماع البابا شنوده التى اعتادت تلك الخادمة على المواظبة على حضوره .. فبعد ان حضرت الاجتماع ارسلت للبابا ورقة وسط كل اوراق الاسئلة التى يرسلها اليه بعض الحاضرين فى اجتماعاته ... قصت فيها ماحدث وتساءلت -
*** هل انت الذى اتيت وانقدتنى ؟؟؟؟!!!!!!!!
فعندما جاء دور تلك الورقة ... قرأ البابا شنوده اول جزئية التى قصت فيها الخادمة ماحدث ... وعندما وصل الى الجزئية التى تحوى تساؤلها ... صمت تماما ... ونظر الى تلك الخادمة وسط جموع الحاضرين وابتسم لها

+++++++++++

3- يحكى ايضا " ان فتاه خادمة " ضلت .. وكدبت على اهلها واخبرتهم انها ذاهبة الى خدمة ... فى حين انها ذاهبة لتقابل شاب فى منزله ... فما ان طرقت الباب حتى فوجئت بأن من يفتح لها هو قداسة البابا شنوده الثالث بنفسه .... فقال لها -

" روحى خدمتك يابنتى ... ومتعمليش كده تانى ... "
فأنصرفت الفتاه ذاهبة الى خدمتها ... خجلانة وتائبة ومرتعبة مما كانت مقدمة على فعله........
+++++++++++++++
معجزه للبابا شنوده الثالث

فى مدينه المنيا قريه البياضيه
********************
كان فى ست مش بتشوف
وليها فتره مش بتدخل الكنيسه فاحضرت القداس
يوم الثلاثاء يوم جنازه البابا شنوده الثالث
واتناولت وطلبت من ابونا انوا يصليلها

والقمص الذى حاولت الست انى يصلى لها
تشفع بقداسه البابا شنوده
ورش الماء حول عينها
فضرخت السيده بالفرح والبهجه
لانها بدات تشاهد النور
وفتحت عينها وشافت النور من تانى
++++++++

تزوجت عام 1999 ولم يرزقني الله بنعمة الأنجاب ... وكنت دائما بكلم ربنا قبل ما أنام وبقوله يارب لا تحرمني من نعمة الإنجاب ولكني لا بإراداتي بل بإرادتك ... وبعد مرور 3 سنوات من الزواج رايت حلماً جميل لقداسة البابا شنوده الثالث

"بيقولي متخافش واصبر ده ربنا هيديك ولدين "

... كنت أتمني أني لا اصحي من هذا الحلم لان البابا له وجه الملاك المضىء ... وصحيت الصبح وأنا فرحان ... وعدت سنه ثم سنه اخري . ففكرت الذهاب أنا وزوجتي لإجراء بعض الفحوصات والتحاليل واخذ العلاج المناسب ،،، آخذت زوجتي جرعه عاليه من الادويه وكان فيه ميعاد تروح زوجتي تعمل اختبار حمل ... وقبل الاختبار بيوم واحد صارحت زوجتي بالحلم لانى لم اقل لها على الحلم من قبل ... وذهبنا الى معمل التحاليل وتم اخذ عينة الدم لإجراء اختبار الحمل وربنا كرمنا وكانت النتيجة ايجابية

وبعد 4 اسابيع ذهبت الى الطبيب لعمل الصونار وفوجئت بالطبيب بيقولى" مبروك زوجتك حامل بتؤام" ... شكرت ربنا بس كنت ناسى حلم قداسة البابا شنوده ... وبعد الشهر السادس ذهبت الى الطبيب لمعرفة نوع الجنين ... اول ما وضع الصونار على البطن كنت باندة واقول يا بابا كيرلس ادينى كيرلس وفجاة الدكتور بيقولى ولد فقلت لة والتانى؟؟؟ فقال لى لسة مش باين وتعالى بعد أسبوعين ،،، وذهبت إلى الطبيب بعد أسبوعيين وهو بيكشف لقيتة بيقولى التانى ولد وهنا وقفت ...

تذكرت حلم البابا شنودة وتذكرت كلماتة وهما 4 كلمات

) اصبر ربنا هيديك ولدين(
عجيب هو الله فى قديسيه ...
فعلاً يا حبيبى يا بابا شنودة أنا مديون لك بولادك اللى آنت أعطيتهم ليا
حبيبى الغالى البابا شنودة
ستظل فى عقلى ووجدانى وفكرى ... لقد غبت عن عالمنا. ولكنك ستظل عائشا فى عالمى أذكرنى

أمام عرش النعمة ....
ابنك كرومل و زوجتى سوزى واولادك مينا وكيرلس
++++++++++
معجزه عملها معايا البابا شنودة
*********************
في يوم دق جرس الكنيسه في وقت غير معروف فكلمت الكنيسه لماذا دق الجرس قالوا لي البابا هنا فقلت يا ريتني كنت شفتك وماقدرتش انزل وتاني يوم في وقت غريب رن جرس الكنيسه فسالتهم لماذا قالولي البابا شنوده هنا فقلت ياه جيت تاني في وقت لم اتوقعه للاسف مش هاقدر اشوفك وكان نفسي اشوفه وتالت يوم حدث نفس الشيء وقد كنت قلت لنفسي اليوم الذي قبله ان اتيت ساجيء اليك واراك وقد حدث بصوره غريبه وهو لم ياتي الينا قبلا ففرحت ولبست ونزلت لاقيته بيتكلم وقفت خارج الكنيسه لم اكن اريد اسمع لاني باسمعه في عظاته كل ما كنت اتمناه المس يديه الطاهرتيين وبعد وجودي بدقائق خرج في وسط البادي جرد قالهم اتركوها وهو لا يعرفني قبلت يديه وقلت له صلي من اجلي البابا شنوده جالي تلات مرات وكان مستنيني اي روح تواضع بهذا الشكل يا ليتنا نتعلم ونفهم وان فهمنا فلنفعل وان فعلنا فلنصلي للكل سلاما يا بابا شنودي يا شفيعنا الان دخلت ديارنا يا سائح وملاتها حبا نشكرك.

من العضو Marry Moheb
+++++++++++++++
معجزة للبابا شنودة الثالث
ولسه ياما هنعرف اكتر واكتر
ذهبت سيدة لسيدنا البابا شنودة لانها كانت عاقرة ولا تقدر على الانجاب وطلبت من سيدنا بالبكاء ان يصلى ليها لكى يعطيها اللة نعمة الانجاب ؛وصلى ليها سيدنا البابا وقال لها عندما الله يعطيكى نعمة الانجاب تعالي لى مرة اخري؛" لما ربنا يكرمك بالانجاب تعاليلى تانى " واعطاها قطعة قربانة للبركة ؛ وفعلا ربنا استجاب وبعد فترة الحمل وضعت المرأة ورزقها الله طفل وعندما افاقت وقامت بالسلامة من الفراش نسيت ان تذهب كما قال لها البابا شنودة تعاليلى تانى ؛ وبعد ايام معدودة لاحظت المرأة ان يد الطفل مغلقة ولم تنفتح ؛ وكانت المرأة حزينة جدا ؛ وبعدها افتكرت انها لم تذهب الى سيدنا البابا ؛ وعندما ذهبت الى سيدنا البابا صلى لها واعطاها قطعة قربانة ؛ ورجعت يد الطفل كما كانت طبيعية وقال لها سيدنا لا تخبرين احد بما فعلة معكى الله ؛ وقالت له حاضر ياسيدنا ؛ وذهبت المرأة وهى فرحانة جدا بما فعله الله مع طفلها على يد سيدنا البابا؛ وعندما ذهبت المرأة الى بيتها جاء اليها الجيران لكى يطمئنوا على الطفل ؛ ولكن من فرحة المرأة قالت ان اللة صنع له معجزة على يد سيدنا البابا شنودة ؛ ونسيت الام ان سيدنا البابا قال لها لا تعرفى احد بما فعله الله معكى ؛ وبعدها بايام رجعت يد الطفل مغلقة كما كانت من قبل ؛ وحزنت الام كتيرا جدا ؛ وعرفت ان الله فعل بها هكذا لان سيدنا البابا قال لها لا تعرفى احد بكم صنع بكى الرب ؛ وذهبت المرأة وهى نادمة وحزينة الى سيدنا البابا وتأسفت له ؛ وقال لها سيدنا البابا " انا مش قلت لك لا تعرفى احد " وقالت للبابا انا اخطأت ولكن انا فعلت ذلك من الفرحة ؛ واوعدك يا سيدنا البابا انى مش هاتكلم تانى ؛ وفعلا صلى سيدنا البابا للطفل مرة ثانية وهنا كانت المفاجأة يا اخواتى عندما صلى البابا شنودة على الطفل انفتحت يده وكانت فيها قطعة القربانة التى اعطاها سيدنا للام من قبل ذلك وهنا اندهشت الام من قطعة القربانة الى كانت بيد ابنها واخذ سيدنا قطعة القربانة من يد الطفل وقال للام قطعة القربانة اعطيتها لك واخذتها تانى ؛ واخذت الام طفلها وهى مندهشة من اعمال الله العجيبة ؛ وكانت تمجد الله ؛ ودائما يصنع معنا اللة المعجزات فى كل وقت وكل زمان وكل مكان
+ بركة صلوات ابينا المكرم البابا شنودة تكون معنا فى كل وقت
+++++++++++
Madona Saead Nasrallah
دى معجزة حصلت ياريت تنشروها
انا حصلت معايا معجزة بشفاعة البابا شنودة والبابا كيرلس ( فى واحدة جيرانا مسلمة اتقفل عليها الباب وهى خارج الشقة وكانت مشغلة البوتوجاز فخبطت علينا عشان نساعدها طلعت انا وماما عشان نساعدها فحاولنا
نفتح الباب لكن منفعش فالست اتصلت بجوزها مش بيرد عليها عشان يجيلها ويجبلها المفاتيح وتحاول تانى مش بيرد واحنا كنا خايفين عشان كانت بتطبخ ومشغلة البوتوجاز جوة وشمينا ريحة شياط فماما جابت زيت البابا كيرلس واتشفعت بية ورشمت الباب عشان يتفتح وانا قولت يابابا شنودة شفاعتك معانا ودة كان قدام جارتنا وشافت ماما وهيا بترشم الصليب صدقونى ف ثوانى لاقينا جوزها فى وشنا والحمدللة فتحوا الشقة واطمنا ومحصلش حاجة للشقة شكررا ليك يابابا شنودة بجد البابا دة قديس وبركة وشكرا ليك يابابا كيرلس ياعظيم شفاعتكو تكون معانا امين اذكرنا امام عرش النعمة يابابا شنودة ياحبيب المسيح ) ياريت تنشرو المعجزة عشان الكل يعرف شفاعت البابا
شنودة+++++++++++++++++++++++++++
معجزة حصلت النهارده بتاريخ 22 مارس فى سوهاج .. امبارح والدتى كان معاها ايقونة ذهب صغيرة للعدرا كانت لابساها مع الصليب فى سلسلتها ، فجاءة امبارح بتبص ملقيتهاش ف السلسلة فضلت والدتى تدور كتير وف كل حته ف البيت ملقيتهاش .. فنا اول حد خطر ف بالى اتشفع بيه هو سيدنا حبيبى البابا شنودة وانا وبطلبه كان عندى احساس قوى اننا هنتلاقى الايقونة فنا ع طول قولتله يلا يا بابا شنودة شوف شغلك واجمعهالنا علشان عاوز انزلك معجزة انا كمان وانشرهالك ، والدتى طلبت شفاعة الانبا ونس الاقصرى برضة وفضلت تدور كتير ولكن بلا جدوى الكلام ده كان امبارح بليل الصبح والدتى دورت ف نفس الاماكن اللى دورت فيها امبارح كذا مرة واول م بصت الصبح لقيتها قدامها ف الارض ع الرغم ان المكان ده كلنا كنا دورنا فيه وملقيناش حاجة .. ولكن ده كان لكى يتمجد اسم الله ف قديسيه الانبا ونس وحبيبى البابا شنودة .. وده بيؤكد لينا ان القديس البابا شنودة كمان سريع الندهة وبيجمع الحاجات الضايعة كمان .. شفاعتك وبركتك تكون معانا كلنا يا حبيب المسيح قديسنا البابا شنودة الثالث .

من العضو Madleen Abadeer
++++++++++++
Yohanna Halim
معجزة حصلت النهارده بتاريخ 22 مارس فى سوهاج .. امبارح والدتى كان معاها ايقونة ذهب صغيرة للعدرا كانت لابساها مع الصليب فى سلسلتها ، فجاءة امبارح بتبص ملقيتهاش ف السلسلة فضلت والدتى تدور كتير وف كل حته ف البيت ملقيتهاش .. فنا اول حد خطر ف بالى اتشفع بيه هو سيدنا حبيبى البابا شنودة وانا وبطلبه كان عندى احساس قوى اننا هنتلاقى الايقونة فنا ع طول قولتله يلا يا بابا شنودة شوف شغلك واجمعهالنا علشان عاوز انزلك معجزة انا كمان وانشرهالك ، والدتى طلبت شفاعة الانبا ونس الاقصرى برضة وفضلت تدور كتير ولكن بلا جدوى الكلام ده كان امبارح بليل الصبح والدتى دورت ف نفس الاماكن اللى دورت فيها امبارح كذا مرة واول م بصت الصبح لقيتها قدامها ف الارض ع الرغم ان المكان ده كلنا كنا دورنا فيه وملقيناش حاجة .. ولكن ده كان لكى يتمجد اسم الله ف قديسيه الانبا ونس وحبيبى البابا شنودة .. وده بيؤكد لينا ان القديس البابا شنودة كمان سريع الندهة وبيجمع الحاجات الضايعة كمان .. شفاعتك وبركتك تكون معانا كلنا يا حبيب المسيح قديسنا البابا شنودة الثالث .
+++++++++نقلا عن احد الاباء المكلفين بخدمة المزار والموثوق فيهم جدا انه اثناء وقوفه اليوم هو واثنين من اباء الدير انه دخل رجل كبير يأخذ بركة من مكان الجسد بالمزار واحتضن المدفن الخاص بسيدنا ثم اخذ يصرخ صراخا شديدا ولم يرضى احد من الاباء الاقتراب منه ليتركوا التصرف لسيدنا البابا شنودة وفجأة خرجت الروح منه وقال انه شايف ماما العدرا لابسة جلباب ابيض وطرحة بيضاء منورة ومعاها البابا شنودة++++++++++
أول معجزة للبابا شنوده يوم نياحته

يا جماعه مش قادره أسكت أكثر من كده ..هاكتب لكم معجزه حصلت معايا أنا العبده الضعيفه الممتلئه من الخطايا والزلات و الآثام فيفيان سوس لويز..يوم نياحه الأنبا شنوده.قبل حتى اللى موجودين معاه فى الكاتدرائيه ما يعرفواخبر نياحته..لأنى غيوره جداًعلى سيرته العطره اللى بعض الناس بتتريق عليه بأسلوب مهين ..أرجوكم ردوا بلسانى . أنا شفت روحه الطاهره المقدسه صاعده السماء

طول عم...رى كنت أتمنى أشوف البابا و أخذ بركته ..و فى الفترة الأخيرة
ذاد أشتياقى لنوال البركه دى..قولت فى نفسى أتكلم مع صورته شويه و هاقول له لما تيجى ساعة نياحته يجى يباركنى قبل ما يطلع السما..لكن ضميرى أنبنى و قولت أنا وحشه قوى..أزاى أعطّل البابا بعد نياحته أنه يجى عندى بدّل ما يطلع على المجد الأبدى..وعدت مده كبيره على الكلام ده......

لكن النهارده 17/3/2012حلمت به وهو لابس لبس كامل ذى ما بشوفوا ليله العيد وكلمنىوباركنى..بعد كده صحيت من النوم فرحانه..حوالى الساعة4 الفجر وبعدين نمتتانى شفته طالع فى السما وبيضحك و يشاور لى بأيده زى علامة الوداع..كانلابس المره دى لبس الكهنوت الأسود و عصا الرعايه فى أيده..ده كان الساعة 5 الفجربتوقيت الساحل الشرقى للولايات المتحده الامريكيه ولايه فلوريدا..لما صحيت كنت ببكى و حسيت أنه خلاص أتنيح وحكيت لزوجى كل الكلام ده..وطبعًا بعد كذا ساعة وصل لنا خبر نياحته..أتاكدت أنه فعلا من السواح وبشكره على محبته و حنانه و بركته لى..ربنا معكم ويدبر حال كنيسته ويحفظها من كل شر...
+++++++++++++
معجزه حقيقيه ارجو نشرها علشان حبيبنا البابا شنوده لازم ياخد حقه

شاب مسيحى من الاسكندريه كان يريد انهاء بعض الاجراءات من جوازات السفر و الموجوده بمنطقه محطه الرمل بالقرب من الكتدرائيه المرقسيه بالاسكندريه

و عندما بدأ فى انهاء بعض الاجراءات وجد ان المبلغ الذى معه لن يكفى فهو يحتاج رسوم حوالى 200 جنيه ولم يكن معه المبلغ نزل هذا الشاب وهو يفكر من اين سيأتى بهذا المبلغ ---- و اذا بأحد الاشخاص ينادى ع......ليه ويقول له متعرفش كنيسه قريبه من هنا ؟؟

فقال له توجد كنيسه المرقسه ممكن اوصلك
وعندما ذهبوا للكنيسه وجدوا زحام وعرفوا انا قداسه البابا شنوده يبارك الشعب فوقف فى طابور المتواجدين وكان من عاده سيدنا ان يقدم للمحبين مبلغ عشرين جنيه لكل شخص

وعندما سلم عليه هذا الشاب فوجىء انا قداسه البابا يعطيه 200 جنيه وعندما اخدها ومشى فكر قليلا قد يكون البابا مخطئا فرجع اللى البابا ليقول له انه اعطاه 200 جنيه وليس 20 جنيه وهنا انتهره مجموعه من الشبان وقالو له لقد اخذت بركه لماذا تعود مره اخرى ووسط هذا الضجيج اشار قداسه البابا للشبان اتركوه وقاله تعالى يا ابنى

وعندما وصل هذا الشاب لقداسته قاله ياسيدنا انت اديتنى 200 جنيه وليس 20 جنيه وانا كنت راجع لا تكون غلطان وارجعلك الباقى

وهنا جذبه سيدنا وهمس فى اذنه انا عارف انهم 200 جنيه هيكفوك ولا عايز تانى ؟؟؟!!!
++++++++++++++
Elprins ESam
من حوالى 8سنوات وانا اعمل بدوله الكويت وكنت ذاهب الى المنذل بعد دوامي وكنت احمل كتاب للبابا بعنوان الغيره المقدسه ووضعته بجانبى وانا راكب باص موصلات ونزلت من الباص ونسيت الكتاب مع نزولى تزكرت الكتاب وتحرك الباص وتجهلت الكتاب ومضت اربعه ايام وركبت نفس رقم الباص واثناء جلوسى ركب راكب واثناء جلوسه انحناء تحت كرسيه واذا بيده الكتاب وزهلت بشده اربعه ايام لا يراه احد فقلت لذلك الشخص ان هذا الكتاب لي فاعطهنى ومن ذلك اليوم احتفظ بهذا الكتاب
++++++++++
معجزة لقداسة البابا

راهب ف دير الأنبا بيشوي قال انه مرة كانوا بيعملوا تجديدات ف الدير

و كانوا محتاجين 25 شيكارة اسمنت ومش لاقيين
راح قال للبابا راح البابا زعقله
وقالله وانت جاي تقوللي انا ليه ؟
عندك ربنا اطلب منه
... وبعد كده ندهله تاني وقالله عاوز ايه ؟
الراهب قالله 25 شيكارة اسمنت
راح البابا كتب ع الهوا بعصايته 25 شيكارة اسمنت
وسأله نوع ايه؟
الراهب قالله بورتلاند عادي
راح البابا كتب برضه بعصايته ع الهوا .. بورتلاند عادي
وبعد 10 دقايق دخلت عربية للدير
فيها 25 شيكارة اسمنت بورتلاند عادي

++++++++++++++++++++++++

Frawdy Fathy
ضرورى تقروا حكايتى مع البابا شنودة انهاردة:::
بجد انا انهاردة اتشفعت بالبابا شنودة وهو كان معايا وساعدنى لدرجة انى مكنتش اتخيلها انهاردة كنت راجع من مدينة قنا الى مدينة نجع حمادى وكان يدوب معايا فى العربية حوالى 6 لتر بنزين والمسافة 60 كيلو يعنى يدوب اوصل بيتنا ومحافظة قنا كلها مفهاش ولا نقطة بنزين واحدة فقررت اخد الطريق الزراعى علشان فية اكتر من بنزينة وفى نفس الوقت خوفا من انى امشى فى الطريق الصحراوى العربية تقف وتبقة كارثة معايا المهم انا فعلا طلعت على الطريق الزراعى املا انى الاقى بنزين لانى فى فى الطريق دة 5 بنزينات ولكن عدوا علية اول بنزينتين وللاسف مكانش فى بنزين تماما وبعد مامشيت 30 كيلو فؤجئت انى الطريق مقطوع واستحالة انى اوصل بيتنا من الطريق دة يعنى ماقداميش غير انى ارجع ال 30 كيلو تانى وبالتالى اخلص كل البنزين اللى فى عربيتى وهاضطر اركن العربية فى قنا واخد مواصلات علشان ارجع نجع حمادى وفضلت انا وراجع لمدينة قنا اتصل بزمايلى على امل انى حد منهم يقولى انى فى بنزين ولكن كلهم اجمعوا انى مفيش ولا نقطة بنزين فى قنا واحترت جدا اعمل اية بس ياربى واتصلت بواحد صاحبى علشان يجى ياخدنى واركن عربيتى لعل وعسى الاقى بنزين باى شكل وفضلت اقول ياست ياعدرا يابابا شنودة وقبل ما اوصل قنا ب 3 كيلو لقيت امين شرطة واقف وبيطلب منى انى اوصلة قنا معايا ورغم انى بقالى فترة طويلة جدا بارفض انى اركب اى حد معايا فى ظل الظروف اللى احنا فيها من الانفلات الامنى معرفش اية اللى خلانى اركبة معايا وهو راكب قالى انى فى بنزينة عندها خناقات كتير فقولتلة اكيد يبقة فيها بنزين وانا حاطط ايدى على قلبى للعربية تفصل فى اى مكان ومعرفش اعمل اية المهم رحت البنزينة ويارتنى ما رحتها بصيت لقيت فى حوالى 300 عربية مستنية تمون وطابور بجراكن حوالى 50 واحد قلت هعمل اية بس ياربى وسط العالم دى كلها المهم دخلت البنزينة لعل وعسى اخد حتى 5 لتر بنزين ولا اى حاجة احطهم فى العربية وفؤجئت انى العسكرى يعرف صاحب البزينة فطلبت منة انى اخد حتى ولو 3 او 5 لتر بنزين اعمل بيهم اى حاجة ولكن فؤجئت بالراجل فى ظل الزحمة الشديدة والناس بتتخانق وهتموت بعض على البنزين انى الراجل بيقولى هات نديك 3 لتر فى الاول وانا هفتحلك حتة تخش منها مخصوص من البنزينة وهديك البنزين الى انت عايزة انا قولت ياربى الناس كلها اللى واقفة دى من ساعات طويلة لو شافوا كدة احتمال يكلونى وميدخلونيش ابدا بس وبعدين فعلا الراجل فتحلى حتة مخصوص علشان ادخل بعربيتى وسط ال 300 عربية وال 50 واحد الى بيمونوا وفولت العربية ورجعت بيتنا سالم غانم وكل دة حصل فى اقل من ربع ساعة رغم انى الناس فى قنا بقالها 3 ايام مش لاقية ولا نقطة بنزين والناس كلها واقفة بتتخانق مع بعض علشان ياخدوا بنزين وواحد صاحبى عربيتة خلص منها البنزين وسابها وبيسافر مواصلات علشان مش لاقى بنزين ففعلا شكرا ليك يا ابويا الغالى على مساعدتك لية واول مرة اطلبة وتستجيب لية فورا وبشكل مكنتش احلم بية

++++++++++++++++++++++++++++++++
وتتوالى معجزات قداسة البابا شنودة الثالث:

معجزة حصلت قدام والدى انا...كان شغال فى حفلة فى الكتدرائية ومعاة واحد صاحبة وسيدنا كان معدى فكلة راح يسلم علية وبينادى صاحبة عشان يسلم علية راح صاحبة قالة لو هو مجاش وسلم عليا انا مش هسلم علية المهم الحفلة خلصت وكل واحد طلع صورة عشان البابا يمضهالوة وتتحط تذكرا المهم الصور كلها البابا خدها ومضى على كلة وطلع الصورة بتاعة الشخص اللى رفض يسلم علية مع العلم هو مشفهوش خالص المهم حصل دة مرتين ...وعدى تلات شهور وكان فى حفلة تانى معزوم فيها سيدنا وهو كان موجود الشخص اللى رفض يسلم علية المهم جة عشان يسلم علية راح قالة امشى ...فراح الاخ دة زعل وعرف غلطة المهم بعديها بشهر او حاجه زى كدة راح كان فى حفلة بردة وشافة راح سيدنا شافة وابتسملة راح عرف ان سيدنا سامحوة على اللى عاملة...اد اية سيدنا عندة شفافية واد اية بعد الفترة دية كلها يكون فاكرة (منقووول)+++++++++++++عند وضع جسد البابا فى الصندوق كنا نتابع انا وزوجى على التلفاز هذا الحدث وتسائلنا معقول البابا يحطوة فى الصندوق وتبقى ريحته وحشه وصدقونى فى الحال شمينا ريحه بخور جميلة لا نعرف مصدرها شفاعته تكون معانا امين
+++++++++++++++++++
حدث معى والرد سريع

عندما كنت جالس فى المنزل وكنت بسمع البابا
وفجاه وربنا يسامحني داخلني فكر غريب
وحاجة بتقولى البابا كيرلس كان بيعمل معجزات
واكيد البابا شنوده بيعمل معجزات
طيب ليه هو تعبان كدة
كان حوار داخلى ولم انطق بكلمة واحدة
وفى جزء من الثانية
بنظر الى التلفزيون واسمع
اسمع
ما لم اتخيلة رد البابا عليا وقال
بولس الرسول الشوكة التى كانت فى ظهرة والاشياء التى كانت
تخرج منها كانت تشفى امراض كثيرة
وقلت بركتك يا بابا شنودة الرد فى نفس اللحظة وكانة
يقرا ما يدور بفكرى نعم كان قديس عظيم

من العضو "Emad Ayob"
++++++++++++++++++++++++++
الاسم/ ماجد اسعد

يقول : صدقونى البابا شنودة حى فى السماء لسه عامل معجزة مع مراتى دلوقتى أشكرك
يارب مراتى من 4 أيام راحت للدكتور بسبب تعب فى الرحم ولقى كيس دهنى على الرحم 7 سم وقالها لو تعبتى فى أى وقت لازم تروحى المستشفى تعملى عمليه وأداها علاج على أمل ان الكيس الدهنى يقل فى الحجم من ساعة ما البابا اتنيح ...واحنا بنطلبه يتدخل فى الموضوع ده والنهاردة مراتى راحت عند الدكتور لقى الكيس الدهنى ده اختفى وكان أكبر أمله انه يقل فى الحجم من الدواء - شافعتك يا بابا شنودة تكون معانا علشان خاطرى ماحدش يحط شريط إسود على صورته هو مش ميت هو حى فى السماء

أذكرنا
يا أبى القديس
+++++++++++++++++++++++++++++++

معجزة حديثة جدا للبابا شنودة حدثت مع شخص أعرفه بنفسي كان يعاني من نوبات صداع نصفي شديدة لدرجة قد تجعله عاجزا عن الكلام و في آخر مرة هاجمته نوبة الصداع النصفي أسرع إلى صورة البابا شنودة و شكى له وجود صداع يعصف برأسه و أنه يجب أن يأخذ أدوية كثيرة تتعب معدته من اجل أن ينتهي الصداع .. و فور ان إنتهى من كلماته مع قداسة البابا يقول هذا الشخص أن الصداع إبتدأ يقل فورا إلى أن إنتهى تماما في أقل من 5 دقائق و بدون أدنى علاج برغم أنه عادة ما يحتاج إلى حوالي نصف ساعة بعد أن يأخذ العلاج حتى ينتهي الصداع.
بركة صلواتك و طلباتك تكون معنا يا أبانا القديس ....
+++++++++++++++++++++++++++++++++++

و تتوالي معجزات اللبابا :
بنت عندها 17 سنة كانت هتتخنق فى الزحمة ووقعت تحت رجلين الناس فى وسط الزحمة
ومرة واحدة بتحكى بتقول انها لاقيت اللبابا بيقولها قومى وبيقومها فى وسط الناس وبيقولها مكنش لازم تتعبى نفسك وتجيلى كنتى صليلى من البيش وشوفينى على التليفزيون
وانا كنت هحس بيكى وفجأة اختفى بعد ماقومها .... منقول من كلام البنت
++++++++++++++++++++++++++++++++++++++++
اول معجزة عن البابا شنودة الثالث لازم الكل يعرفها بعد نياحته
للطفل اندرو امير سمير

------------------------------------------------------------
------------
المعجزة دى حصلت من سنتين
فى عام 2010 لإبنى الصغير اندرو امير سمير
فى مدينة الشروق المدارس مالهاش أتوبيسات خاصة لسة
فكل الناس هنا بتودى أولادهم بعربيات ميكروباص بالاتفاق مع صاحبها طول السنة
المهم إبنى أندرو كان المفروض يرجع من المدرسة على الساعة واحده ونصف
قعدت مستنياة لغاية الساعة الرابعة تقريبا
وانا عمالة أبكى لانة ممكن يكون تاة او اتخطف
وفضلت وقت كبير أنادى على كل القديسين ومش عارفة أعمل إية
وماحدش طمنى منهم ولا سمع ليا
وفضلت ابكى وابكى
ووالده إتصل بالسواق أكتر من مرة
لكن مافيش فايدة
السواق مش لاقى أندرو ولا حوالين المدرسة ولا فى أى مكان
ومدينة الشروق هادية وممكن يتخطف بسهولة
و لسة كنت بتفرج على عظة البابا شنودة
ماعرفش اية اللى خلانى انادى علية
بعد ما فقدت الامل فى ان القديسين يسمعونى
ويرجعولى اندرو
فصرخت يا بااااااااااابا شنودة إنت اللى هاتجيبلى أندرو إبنى
وكنت واقفة فى الشباك وقتها وقدامى مافيش عربيات خالص
فى نفس اللحظة ببص قدامى لقيت أندرو نازل من عربية تانية خالص مع سواق تانى
كان بيوصلة للبيت فى السنة اللى قبلها
بس الساعة كانت متاخرة أوى إنه يكون بيوصل حد فى الوقت دة
لان المدارس كلها بتخرج الساعة واحده الضهر
وماعرفش اية اللى خلاه يروح فى المكان اللى لاقى اندو فية
كان بعيد جدا عن المدرسة وطريق تانى مختلف عن طريق البيت كمان
وهو راح مخصوص فى المكان دة ولقى أندرو ماشي لوحدة
راح قاللة يا اندرو اية اللى جابك هنا تعالى أوصلك للبيت بسرعة

اشكرك يا بابا شنودة على محبتك لاولادك اللى بيطلبوك فى وقت الضيقة
وبيلاقوك فعلا جنبهم
+++++++++++++++++++++++++++++++++++

معجزة للبابا شنودة :
حدث فى يوم الاربعاء الموافق 21/3/2012 فى مكتبة المحبة بشارع شبرا .. ذهب شخص يدعى عماد لمعى ليشترى عدد 1000 صورة من صور البابا شنودة ليوزعها فى الكنيسة والخدمة وكان معه احد الخدام فقال له " احنا عاملين حسابنا على 500 بس والفلوس متكفيش 1000 صورة " فرد عليه عماد وقاله " ربنا هيدبر " وعندما ذهبوا للخزنة حدثت المعجزة .. اذ فوجئوا بأن الفاتورة تم دفعها بالكامل وتم ختمها ايضا وجاءت رساله للخدام مكتوب فيها " زى مانتوا هتوعزوا الصور مجانا انا هخليكوا تجيبوها مجانا " !!! بركة صلوات القديس البابا شنودة وشفاعته تكون معنا امين ..
++++++++++++++++++++++++++++++
انا سمعت معجزه من طاسونى زوجه اب كاهن بتقول ان كان فى اب راح يا خد بركه البابا شنوده واخد ابنه معاه فالولد بيقول لابوه انو تعب من الزحمه و المشوار و عاوز يروح فابوه قاله ها ناخد البركه البابا شنوده و نمشى فالولد بيقوله مين دا فابوه و راه صوره للبابا شنوده فرد الولد الراجل كان ماسك ايدى دلوقتى عشان مبعدش عنك ف الزحمه

( حبه للاطفال ولكل الناس ميتوصفش بجد بركته تكون معانا دايما و شفاعته و صلواته لينا تحرسنا دايما كل حين امين )
++++++++++++++++++++++++

نقلا من احد اعضاء الصفحة
الحقيقه انا كنت بقرأ المعجزه بتاعة الشخص اللى م الغردقه وبيحاول يحمل قداس العيد للبابا شنوده ولقاه متحمل مع انه لغى التحميل
( بصراحه قولت ازاى ) يعنى مصدقتهاش اووى .. لقيت النت فصل عندى ف قولت لو النت رجع هكتبها ف النت رجع بعد فتره وانا مكتبتش رجع فصل تانى قولت خلاص لو رجع تانى هكتبها ..
+++++++++++++++++++++++++++++++++

من Gero Sobhy
معجزة حصلت لسة امبارح بس بشفاعة حبيبنا البابا شنودة ....والدة احد من المقربين لى كانت تعبانة جدا ولا تقوى على الوقوف لفترات طويلة او حتى المشى لفترات طويلة نتيجة لالام الظهرالذى اعتادت عليه منذ سنوات وبالامس
23/3 اضطرتها الظروف إلى الوقوف لإنجاز بعض المهام المنزلية التى اضطرت لها رغم الحركة القليلة وتشفعت بحبيبنا البابا شنودة كى يقويها ويساعدها بقوة ربنا وبالفعل وقفت على رجليها المتألمة وظهرها الموجوع( قبل الصلاة وطلب شفاعة قديس العصر )وقفت لمدة ساعة كاملة لم تشعر فيها بشئ مما جعلها تزيد من تلك المدة ورغم ذلك لم تشعر ايضا بأى ألم ابدااااا لا اثناء الوقوف ولا حتى بعده وانتهى الموقف بسلام وبشكر ربنا وقداسة البابا شنودة .بركة وشفاعة قديس العصر تكون معنا امين
++++++++++++++++++++++++++++++++++

النهاردا بتاريخ / 3 / 24
. . . 2012
انا م.أ.ص , انا من الغردقة و
عندى 20 سنة , و كنت زع?ن
اوى عشان مش هشوف
قداسة البابا فى التلفزيون
فى ص?ة العيد زى كل سنه
عشان اتعودت ع ده من وانا
صغير والعيد مش يبقى عيد
غير لما اشوف البابا ع
التلفزيون وهو بيصلى
قداس العيد وبيعمل تمثلية
القيامة ببقى مبسوط اوى ,
المهم قولت هطلع برا فى اي
سايبر او كافية انزل قداس
عيد القيامة من اليوتيوب
ع... ال?ب وليله العيد اشغل
القداس واتفرج عليه كله زى
ما اتعودت . ف اول امبارح
طلعت لقيت مساحته كبيرة
حوالى 300 ميجا وطبعا ده
مع سرعة النت اللى فى
الكافيه هياخد حوالى 4
ساعات ف لما لقيت كدة
كنسلت التحميل قبل ما يبدأ
واضايقت وروحت ., امبارح
قولت هروح مكان تانى
عشان انزله ويارب يكون
النت اسرع بقى , رحت ولقيت
النت ابطئ رحت كنسلت عن
%1 و روحت وانا زع?ن ,
نمت و صحيت النهاردا عادى
وبفتح ال?ب , اتفاجئت فى
مكان الداونلودز ان القداس
كامل بمساحته الكاملة للبابا
شنودة الثالث قداس عيد
القيامة سنه 2011 اللى كنت
عاوزه , وده من رابع
المستحي?ت ان القداس ينزل
اص?ا . ده انا كنسلت التحميل
من %1 وقفلت ال?ب ومشيت
يبقى ازاى نزل , ! شكرا يا
رب وشكرا للبابا شنودة اللى
مش رضى يحرمنى من انى
اتفرج ع قداس العيد بتاعه
زى ماتعودت . . رجاء محبة
من كل البيدجات او كل اللى
يقرا المعجزة انه ينشرها
عنده عشان الكل يشوفها
ويمجدوا اسم الرب
++++++++++++++++++++++++++
معجزة للبابا شنودة حدثت مع عمتي :-
انا مينا ايليا فاروق حنا اروي هذة المعجزة بكل صدق..
منذ ستة اشهر ذهبت عمتي لعمل عملية في عينها الاثنين و ذلك لوجود مياة بيضاء فيهما فقامت بعمل العملية عند الدكتور/ عبداللة حيونة في مصر و بعد مرور اشهر قليلة علي العملية بدأت تظهر نوع من انواع الحساسية في عينها اليسري و بدأت العين اليسري تفقد النظر تدريجيا و كان البكاء خطر علي اعينها لانة يؤدي الي اثارة العين ولما تنيح القديس العظيم البابا شنودة الثالث بكت بكاء شديد ككل المصريين و من ايمانها قامت بوضع زجاجة مياة امام التلفزيون اثناء صلاة الجناز و كانت منهمرة في البكاء و لكنها لاحظت ان عينها اليسري بدات انا تصبح سوداء او عتماء تماما فحزنت شديدا و لما تم دفن البابا في تمام الساعة السادسة نامت و لما استيقظت وجدت عينها اليسري سوداء تماما و العين اليمني سيئة ايضا الي حد ما فبدأت بطلب الشفاعة من البابا شنودة و قالت لة ( انا متأكدة انك هاتشفيها و علي العموم انا مستانياك انهاردة تشفيلي عيني ماتزاعلنيش منك ) و قامت بغسل اعينها من المياة التي وضعتها امام التلفزيون وقامت بوضع اعينها علي شاشة التلفزيون مباشرة و عندما جلست علي الكرسي و هي تطلب شفاعة البابا شنودة فوجأت بشيء مثل غمامة سوداء يخرج من اعينها و حست كأن نمل يخرج من اعينها و بعدها بعدة دقائق احست انها تري بنسبة 150% افضل من الاول فعينها اليسري شفيت تماما من السواد الذي كان مسيطر عليها و العين اليمني رجعت لطبيعتها .. و الان امتنعت عن جميع القطرات التي كانت تأخذها و جميع الادوية ..
ببركة و شفاعة القديس العظيم البابا شنودة الثالث صلاتة تكون مع جميعنا امين.
+++++++++++++++++++++
البابا والكلاب
المعجزة دى حصلت فى بيتنا مع ابن اختى هو طفل عنده 6 سنين فى سنة اولى ابتدائى كان كل يوم هو رايح مدرسته يشوف كلاب ويجروا وراه لدرجة فى مرة من كتر الجرى اول ما دخل المدرسة وقع وقعد يبكى وبقى مش عايز يروح المدرسة تانى وهو مش عنده بابا علشان يوصله المدرسة كل يوم لغاية ماشاف نياحة قداسة البابا شنودة الثالث وازاى الناس بتاخد منه بركو واحنا مش قادرين ناخد منه بركة لاننا ساكنين بعيد جدا عن القاهرة وسمع المعجزات راح صلى وقال يابابا يسوع ويابابا كيرلس ويابابا شنودة انتوا تمشوا الكلاب علشان انا خايف ومش عايز اشوفهم تانى وبالفعل من يومها ومفيش كلاب تانى اللى كانوا عددهم حوالى 7
بركة وشفاعة قديسينا البابا كيرلس والبابا شنودة تكون معانا البابا عايش معانا اكتر من وجوده فى الجسد

» فيديو تاريخنا مستقبلنا: حلقة خاصة عن مثلث الرحمات .. 16أبريل2012 -- الراهب القس بولس أنبا بيشوي سكرتير مثلث الرحمات قداسة البابا شنودة الثالث
» ctv كنوز لاتفنى: الله الطيب .. قداسة البابا شنودة -- أسئلة الشعب .. 25/11/1987 مثلث الرحمات .. قداسة البابا شنودة الثالث
» لآلىء ثمينة: الله والإنسان ج 1 .. 1 / 5 / 1996 قداسة البابا شنودة الثالث .. مثلث الرحمات .. مثلث الطوبى .. لسان العطر
» فيديو لآلىء ثمينة: روحانية الخماسين .. 21 / 4 / 1993 قداسة البابا شنودة الثالث .. مثلث الرحمات .. مثلث الطوبي .. لسان العطر
» قداس ذكرى الأربعين لقداسة البابا شنودة الثالث .. مثلث الرحمات قداسة البابا شنودة