احتاج بشدة الى صلواتكم

عضوجديد

الى كل اخواتى دى اول رسالة اكتبها فى المنتدى, رجاء محبة اننى فى ضيق شديد و محتاجلكم تصلولى كتيييير كلكم انا لمدة يوميين مش ببطل عياط انا حزينة جدا و لا استطيع ان اتكلم مع اى حد غيير ربينا فارجوكم صلولى كتيير ان ربنا يكون معايا الايام اللى جاية و شكرا لمحبتكم

ربنا معاكى وان شاء اللة ربنا يحللك مشاكلك بشفاعة قديسنا وابونا البابا كيرلس

ماتخافيش ربنا حنين علينا اوووووووووووووووووى ومش هيسمح انك تفضلي حزينة كتير واكيد قريب اووووووووووووووووووووووى هتفرحى وربنا هيستجاب لصلاتك ودموعك

بصي يا فيكتوريا
البابا كيرلس بجد لاقيته بعتلي صورة وانا بكتب علي الكيبورد في درج المكتب
لاقيت مكتوب فيها
القي علي الرب همك فهو يعولك
(مز 55 : 22 )
ودي رسالة البابا كيرلس ليكي
وبيطمنك وبيقولك متشيلش هم
القي علي الرب همك وهو هيشيلك تحت جناحه وهيحفظك من كل شر وحزن ردئ ووجع قلب
ربنا معاكي وصلوات العدراء والقديسين تكون معاكي

نعمه وبركه الرب يسوع بشفاعه ام النور والبابا كيرلس والقديسين تنحل كل مشاكلك وتأكدى ان القلب الذى يترجى الله والقديسين لا يخزله رب المجد بل يتمهل ويعطى بركة بسخاء فهو الهنا القدوس ممجد ومبارك وان شاء الله ربنا يفرح قلبك ويداوى جروحك وكل من تمررت نفسه ربنا وحده يقدر وكله للخير للذين يحبون الرب الذين يثقون بوعوه فهو لا يهملك ولا يتركك كما قال الكتاب المقدس آمين

عضوجديد

انا متشكرة اوى على اهتمامكم و حاسة فعلا ان ربنا بيبعتلى رسائل على لسانكم و عندى ايمان قوى ان ربينا هيقف معايا و مش هيسبنى عشان انا كمان مش لوحدى دلوقتى انتو معايا و اكيد بتصلولى ربنا يفرح قلوبكم و يكون معاكوا كلكو مهما اتكلمت مش هتقدروا تتخيلوا احساسى اية ان فية ناس جميلة اوى كدة بتصلى لواحدة مايعرفوهاش و مش عارفيين اى حاجة عنها وواقفيين جمبها بس كل اللى اقدر اقولة ان كلامكم دة و صلاوتكم ليا حاجة كبيرة اوىىىىىىىىىىىىىىىىى بالنسبالى و مرسى كتييييرررر اوىىىى بجد .متنسونيش فى صلاوتكم و خصوصا يوم الاربعاء اللى جاى الموافق 1/2/2012 ربنا يعدى اليوم دة على خير يا رب والبابا كرلس و العدرا و جميع القديسين يبقوا معايا فى اليوم دة و يبعدوا عنى اى حزن ووجع قلب

عضوجديد البطاقة الشخصية لقبك:

[size=12][/size]

الى حبيبة المسيح فيكتوريا الذى يحمل المسيح فى قلبه يحمله المسيح على الاذرع الابدية ومتى ارتمينا فى احضانه بلهفة لايمكن ان نسقط من يديه

قلب الرب مفتوح دائما امام الخروف الذى يطلبه ويحبه ويشتهيه هو يفرح به ويحمله على منكبيه ويسعد قلبه ويسعد قلبه ويسعد قلبه ويحمى مصيره ويحمى مصيره ويحمى مصيره

حبيبتى تمسكى به واتكلى عليه لانه من علاه يرى اكثر منا

ويعرف خيرك ويعضدك هو وحده رفيق غربتنا تمسكى به واطلبيه من كل قلبك وهو لن ولم ولايمكن ان يتركك

دموعك غاليه جداجدا على قلبه وتاكدى ان يعمل من اجل راحتك وان تانى يستجيب

هو يعرف مابداخل قلوبنا واحتياجاتنا وينظر الينا بعين الرحمة

انا لااعرف سبب حزنك وبكائك لكنه يعرف وهو قريب منك جدا فوق ما تتخيلى سنصلى جميعا من اجلك وانتى اطلبى الرب من كل قلبك وهويقول كل ما تطلبونه فى الصلاة بايمان تنالونه ويكون لكم

ثقى هوذا يناديكى

عضوجديد

الاخت البيبة من يتكلم مع اللة لا يحناج ال شئ من البشر لانة واقف بين يدى ملك الملوك

عضوجديد

كن مطمئنا جدا جدا و لا تفكر بالأمر كثيرا بل دع الامر لمن بيده الأمر

صلوات أمنا العدرا القديسين و الأعضاء في المنتدى ارتفعت لرب المجد يسوع و لا بد حيستجيب لكن لكل شيء تحت السماء وقت........لكن احنا تحت أمرك لو في حاجة نقدر نعملها عشانك قولي فورا ..إحنا أدوات عند الرب و ممكن يستعملنا عشان يحقق طلباتك و لو في حاجة مش بتقدري تقوليها يا ريت تراسليني على الايميل الخاص

عضوجديد البطاقة الشخصية لقبك:

[size=18][/size]

على فكرة يا فيكتوريا احنا ممكن نتفق ان يوم الاربعاء الجاى نصوم ونصلى لربنا انه يكون يوم حلو وربنا يحقق لك املك بالشكل اللى انتى عاوزاه فى اليوم ده بس تبقى تطمنينا ان الرب استجاب الصلاة ,علشان نشكرهواللى هيصوم معانا ويتفق معانا للصلاة من اجل اختنا ياريت يقول علشان نتفق كلنا

عضوجديد

احسن حاجه يا فيكتوريا انك بتكلمي ربنا لأنه الوحيد اللي هيقدر يسمعك كويس ويفهمك ، ربنا معكي والقي همومك على ربنا ومتنسيش مقولت البابا كيرس لاتفكر بالأمر كثيرا بل دع الأمر لمن بيده الأمر والأهم وعد ربنا لينا لا اهملك ولا أتركك

افتكري ربنا اللي وقف معاكي من لحظة ميلادك لحد دلوقتي
مش هيقف معاكي في الموضوع الجي المنتظراه
صدقيني ربنا كبير وابو الكل ولا يهمل ولا يترك احد

عضوجديد

الرب يعطيك سؤل قلبك ويخرجك من ضيقاتك.بشفاعة أمنا العذراء القديسة مريم وصلوات القديس البابا كيرلس وجميع قديسيه .آمين.

سلام يا اختى يمكن اكون قريت رسلتك متاخر بس كل الى اقدر اقولك علية انى بجدة فى وقت ضيقى بس اطلبية بصدق وبايمان انو حيستجيب وحتلقية يستجيب وعلى فكرة هو سريع النداء اطلبو تجدوا ربنا معاكى ويرعاكى ويحافظ عليكى ويفرح قلبك احتاج بشدة الى صلواتكم 229770

عضوجديد البطاقة الشخصية لقبك:

ربنا حنين وكل شخص يطلب منه يفيض عليه حنانا وحبا , حبيبي وربي يسوع المسيح تفقد ابنائك وبناتك وخصوصا ابنتك فكتوريا وحل لها مشاكلها وانعم عليها بالصحة والعافية ليتمجد اسمك الحبيب لك كل التسابيح والتهاليل امين

عضوجديد

بالنسبة للاخ هارو: انا مؤمنة بربى بس اوقات لما الانسان بيبقى ضعيف و خاطىء و حاسس انة ميستهلش كل النعم اللى ربنا ادهالو و انة و لا حاجة و صغير اوى بيبقى محتاج يحس انة مش لواحدة فى الدنيا و ان فى ناس معاة و بتصليلو لان قوة الصلاة عظيمة جدا ممكن تحرك جبال و انا عندى ايمان بكدة.

صلواتكم ليا بتدينى قوة و امل و انا توكلى كلة على ربى و مش محتاجة اى حاجة غيير صلواتكم دى لان ببساطة اللى ربنا عايزة فى الاخر هيكون.

مرمر: مرسى اوى انا مستهلش كل دة صليلى كتييييير اوى و اكيد طبعا هبقى اطمنكم عليا يوم الاربعاء.

وسام انا مليش غير ربنا اللى بتكلم معاة و انا مش خايفة انة يفهمنى غلط لانة عارف اللى فى قلبى و ضميرى بس انا بردة وحشة اوى لازم ربنا يشد ودنى عشان ارحلو "باوحشة انا عارفة" صليلى كتير يوم الاربع يعدى من غيير وجع قلب.

admin: انا واثقة فى ربنا لانة وقف معايا كتتتييير فى حياتى زى ما بتقول و رميت حملى كلة علية هو عارف اللى فى قلبى و ضميرى اكيد هو بردة هيعمل اللى فى مصلحتى حتى لو محسيتش بدة دلواقتى بعد فترة بيبان حكمة ربنا و الانسان بيفهم بعد كدة ربنا عمل كدة لية.

مرسى dody ,تيتا,ردينة,مجدى,سوسو و raid صلواتكم دى بجد بتفرحنى اوىىىى ربنا يكون معانا كلنا و يعنا فى هذة الحياة الى حين نلتقى فى حياة افضل

الرب يعطي حسب الايمان والقلب
فليكن لكي ايمان بالرب يسوع المسيح
لان الهنا الفادي اله حنان ورؤوف وكثر الرحمه وجزيل التحنن ويحب الصديقين
فهو قادر ان يكون معكي في امرك ويمد يدة

عضوجديد

يا جماعة انا بطمنكم عليا بشكر ربنا و امى العدرا و كل القديسيين اللى كانو معايا فى ازمتى و عدت بسلام اشكرك فليتمجد اسمك يا رب

لكل الناس اللى صلتلى بشكركم من كل قلبى , ربنا مد ايدو و سامحونى لو مش هقدر احكى. فاليتمجد و يتبارك اسمك يا رب

victoria كتب:: يا جماعة انا بطمنكم عليا بشكر ربنا و امى العدرا و كل القديسيين اللى كانو معايا فى ازمتى و عدت بسلام اشكرك فليتمجد اسمك يا رب

لكل الناس اللى صلتلى بشكركم من كل قلبى , ربنا مد ايدو و سامحونى لو مش هقدر احكى. فاليتمجد و يتبارك اسمك يا رب

الف حمد وشكر
وربنا كبيرررر لا ينسي احد
مرسي انك طمنتينا

عضو ذهــــبي

ربنا معاكي ولكي صلوات القديسين والسيده العذراء احتاج بشدة الى صلواتكم 355935

ربنا معاكى وينزع كل حزن من قلبك ويحول دموعك فى زق عنده ويعطيكى بدلا منها فرح

عضو ذهــــبي

ربنا موجود احتاج بشدة الى صلواتكم 355935

ثقي في محبة الرب الذي سمح لك بالتجربة فهو قريب منك جدا ولا يتركك ابدا لكنه فقط يبحث عنك ويريدك ان تبحثي عنه
وصلي انت من اجلي

عضوجديد البطاقة الشخصية لقبك:

تأكدى ان ربنا اكتر شئ يألمه حزن اولاده

واريد ان اقول لك ان كل شئ تحت السماء لها نهايه ولابد ان تنتهى

لاتخافى ولا تبكى ولاتحزنى ربنا لازم لازم يجى عشان يريحك ويمسح اى دمعه من عينك
لان الهنا يعمل ولاينام ولايعرف يتركك

الهنا يستطيع ان يفعل كل شئ كل شئ كل شئ سوى شئ واحد لا يعرف ان يعمله وهو
انه يتركك

» صلواتكم بالشفاء
» محتاجة صلواتكم جددددددددددا
» قداسة الباب يدين بشدة الاعتداء على الرهبان
» صحيفة أمريكية: الأقباط يفتقدون البابا شنودة بشدة
» صلوا من اجلى انا واقعة فى مشاكل كتيرة مش لاقية لها حل ولو المشاكل مااتحلتش انا هتدمر انا فعلا خايفة جدا وتعبانة جدا محتاجة صلواتكم معايا جدا